Styrtregn førte til millionøydeleggingar i fjor sommar
I juli og august i fjor førte kraftige styrtregn til øydeleggingar som kosta 136 millionar, viser forsikringstal.
Øydeleggingane etter overvatn og vassinntrenging på privat eigedom og bedrifter i juli og august i fjor auka til 136 millionar kroner frå 104 millionar kroner i same periode året før.
Det går fram av skadetal frå bransjeorganisasjonen Finans Norge, skriv forsikringsselskapet If i ei pressemelding.
Artikkelen held fram under annonsen.
– Det er først og fremst i sommarmånadene folk får kjellaren full av vatn etter styrtregn. Særleg byar og tettstader på Austlandet er utsette, seier kommunikasjonssjef Sigmund Clementz i forsikringsselskapet If.
Meteorologisk institutt har sendt ut gult farevarsel for styrtregn for delar av Austlandet og Sørlandet måndag og tysdag.
(©NPK)
