Må utsetje skuleopning

Det blir likevel ikkje slik at elevane i 1.–4. klasse i Treungen skal tilbake til småskulebygget frå nyttår.

Firmaet som fekk oppdraget på småskulen skulle eigentleg vere ferdig før nyttår, slik at elevane kunne kome tilbake i bygningsmassen når skulen starta att i januar. Nå viser det seg at arbeidet med bygget er forsinka, og kanskje kan elevane og lærarane ikkje ta i bruk dei nye undervisingslokala før vinterferien er over.

Teknisk eining i Nissedal kommune opplyser at det i utgangspunktet var ein stram framdriftsplan for byggjeprosjektet. Så viste det seg at ein måtte omprosjektere tak-konstruksjonen, noko som enda med at firmaet måtte søkje kommunen om lengre byggjetid. Sjølve bygningsarbeidet på småskulen er venta ferdig i midten av desember, og då står det att arbeid som til dømes innan det elektriske.