Slit med rekrutteringa. Nå kan det bli aktuelt å lokke sjukepleiarar med gratis bustad
Politikarane i Tokke vil at kommunen skal vurdere å tilby sjukepleiarar på institusjon gratis bustad i eitt år.
Det var Mette Lillegård frå Arbeidarpartiet som fremja forslaget i årets siste kommunestyre. Forslaget kom på vegner av Ap og Høgre, og eit samrøystes kommunestyre stilte seg bak.
Tokke kommune har ei tid streva med å rekruttere til ein del viktige stillingar, blant desse er sjukepleiarar på institusjon. Kommunen har alt innført ulike tiltak, og tidlegare i haust gjekk debatten om kva som skal til for å rekruttere og behalde sjukepleiarane som arbeider på institusjon.
Artikkelen held fram under annonsen.
– I arbeidet med rekrutteringstiltak skal administrasjonen vurdere tilbod om gratis leilegheit i Høydalsmo i eitt år for nytilsette sjukepleiarar på institusjon, sa Lillegård i kommunestyremøtet.
– Det talar vel eigentleg for seg sjølv. Me meiner det kan vere like attraktivt å sleppe buutgifter som andre ting, la ho til.
