Ny redaktør i Åmliavisa
Esben Holm Eskelund (37) frå Tromøy i Arendal er tilsett som ny redaktør i Åmliavisa frå 1. februar. Nils Olav Tveite (37) frå Austre Moland i Arendal tek fatt på oppgåva som dagleg leiar i avisa frå same dato.
Eskelund har vore i Åmliavisa sidan oktober, som journalist. Han er utdanna frå Mediehøgskulen Gimlekollen i Kristiansand, og har brei aviserfaring. Han har vore produktansvarleg i nettstaden Sol.no, fotoredigerar i Nrk.no, desksjef i forbrukarnettstaden Klikk.no, og har også journalisterfaring frå Agderposten og Tvedestrandposten.
Artikkelen held fram under annonsen.
Tveite har bakgrunn frå IKT-faget, og er utdanna mediegrafikar. Han kjem frå Agderposten Medier der han sidan 2000 har jobba med teknisk avisproduksjon og innan marknad.
Noverande redaktør og dagleg leiar, Peter Svalheim, sluttar i jobben i februar/mars for å få tid til å fylgje opp eigne skriveprosjekt, melder Åmliavisa i ei pressemelding.
