Vesttelen

Arne Roar Rygh er ikkje redd for å prøve.

Namn: Arne Roar Rygh

Alder: 56

Bur: Treungen

Kva gjer du: Driv sportsbutikk

Kva veit du om etternamnet ditt?

Det er opphavleg frå Lyngseidet i Nord-Noreg.

Har du vore i avisa før?

Ja, spesielt i samband med fotball.

Er du glad i dag – kvifor/kvifor ikkje?

I dag er det bare skitvêr … Men normalt er eg glad, og eg har hatt mange triveleg besøk innom i dag.

Er det ei hending som representerer eit vendepunkt i livet ditt?       

Då eg starta sportsbutikk i vår. Det er noko eg har drøymd om lenge.

Kva lengtar du heimatt til «etter fem år i Amerika»?

Stilla, naturen og at ein kan drive med så mange fine ting i Nissedal kommune.

Korleis ser du på heimbygda di ?

Det skjer veldig mykje positivt med satsing på turisme og aktivitetar i bygda. Det seier folk i nabokommunen Drangedal også om bygda vår.

Har du eit godt sitat eller livsmotto du vil dele?

Alt går an – ikkje ver redd for å prøve.

Har du nokon spesielle interesser eller hobbyar?

Fiske og sport.

Korleis er den typiske vesttelen?

Traust, glad og snakkeviljug på ein positiv måte.

Kva vil draumeoverskrifta i Vest-Telemark blad vere i dine augo?

Nissedals befolkning aukar med 100 i år.

Geir Ufs