Motorsykkelentusiastar møtest i Vrådal

Det er femte gong Straand Treffet blir arrangert. Det blir fagleg program med foredrag fredag kveld, og prøvekøyring og prisutdeling laurdag og sundag. Det er venta mellom 1500 og 2000 motorsyklistar innom i løpet av helga.

– Det faglege programmet har fokus på førarutvikling. Det er naturleg når me veit at arbeidet med å nå måla i Nullvisjon står sentralt hos alle dei viktige motorsykkelorganisasjonane, hos Statens vegvesen og politiet, seier Trond Olsen som er treffsjef.

Straand Treffet har utvikla seg til å bli landets største MC-arrangement. Ei rekke aktørar kjem med bussar og lastebilar. Mellom anna har KTM, Harley Davidson og BMW varsla at dei kjem med merketrailer. Per i dag ser det ut til at fylgjande merke vil bli representerte i Vrådal: Aprilia, BMW, Ducati, Harley-Davidson, Honda, Husqvarna, Indian, Kawasaki, KTM, Moto Guzzi, Suzuki, Triumph, Indian, Royal Enfield og Yamaha.