Tre år etter at dei starta i ei brakke på industriområdet passerer dei nå 150 millionar i omsetning

– Det er ikkje alle i bilbransjen som kan vise til vekst!

Terje Nordstoga er fornøgd med det fyrste drøye året i det nye bygget i Nordbygdi i Seljord. Den daglege leiaren og staben har bygd opp butikken frå null. Det starta i ein brakkerigg på industriområdet 1. januar 2022 med seks tilsette. Då blei det omsett for 45 millionar kroner. I 2023 var talet 132 millionar kroner, og i år – i det fyrste heile året i nybygget passerer Autostrada Seljord 150 millionar kroner. Nå er dei 15 fast tilsette og i februar startar endå to. Alt i alt er dei 20 på lønningslista.

Men også kostnadene har auka monaleg, og Nordstoga innrømmer at botnlina ikkje heng med i omsetningsauken. Plussen i rekneskapen blir mindre enn han var i fjor (3,8 millionar, red. merk).