Familien kjøpte hus seks dagar «for tidleg» – får ikkje bustadtilskott

I september i fjor vedtok Vinje kommune å innføre bustadtilskott til personar som kjøper eller bygger hus i Vinje. Tilskottet er behovsprøvd, og ein kan mellom anna ikkje tene over ei fastsett maksgrense dersom ein skal få tilskottet.

Yushchenko og familien flytta til Vinje som arbeidsinnvandrarar for nokre år sidan. Fram til i fjor haust leigde dei bustad, men med hjelp frå arbeidsgjevaren, Lega Ost og Bakst, kunne dei då kjøpe eit lite hus i Øyfjell.

Dei fekk også hjelp frå arbeidsgjevaren til å skrive søknad om bustadtilskott, og søknaden vart levert 13. desember i fjor. I januar fekk dei avslag, der grunngjevinga var at ein meinte huskjøpet var fullfinansiert og at kjøpet dessutan hadde skjedd før 15.9.22.