Fekk ikkje fritak frå buplikta

Det nederlandske paret har kjøpt bygningen, som tidlegare var bedehus, og ynskjer å bruke det som fritidsbustad. Dei søkte Kviteseid kommune om fritak frå buplikta. I haust avslo politikarane i kommunen denne søknaden. Paret fekk frist til 31.11.2023 til å busetje seg på eigedomen, eller selje den til nokon som kan få konsesjon.

Scholten klaga på dette vedtaket.

Han meinte at ein ikkje kan sjå på eit bedehus som ein heilårsbustad. I saka skriv administrasjonen at det gamle bedehuset vart regulert frå bedehus til bustadhus då Fjågesund grendelag eigde bygningen. Grendelaget ynskte fleire bustadhus og innbyggjarar i grenda.