Kommunen veit det er folk som ville bu på dette småbruket. Politikarane sa nei til konsesjon utan buplikt.

Kjøparen søkte Kviteseid kommune om konsesjon utan vilkår om buplikt. Føremålet med kjøpet var å bruke eigedomen til skogdrift og beite saman med granneeigedomen Runningen, som søkjaren eig, og saman med eigedomen Skarkevju i Vefall i Seljord, der Runningen bur. Kommunedirektøren rådde politikarane til å avslå søknaden, noko eit samla formannskap vedtok utan debatt.

– Større nytte som bustad enn tilleggsjord

Sakshandsamar Jon Olav Lia var til stades i møtet og orienterte om at kjøparen søkjer om å nytte Fossøl som tilleggsjord, og at han ikkje ynskte å busetje seg der.