Mogen-hytta skal ikkje lenger vera raud

Vinje kommune sette krav om nytt avløpsanlegg før turisthytta kunne opne for sesongen. Det såg ikkje turistforeininga som mogleg, og derfor blei avgjerda om å stenge hytta i sommar tatt.

Parallelt med arbeidet med nytt avløpsanlegg, blir turisthytta renovert. Dei opphavlege planane om å byggje heilt ny hytte er som kjent skrinlagde.

Planane er å etterisolere vegger og tak, skifte vindauga og dessutan montere solcellepanel på taket for å gjere hytta meir energisparande. Hytta kjem dessutan ikkje lenger til å vere raud. DNT ynskjer å nytte vedlikehaldsfri kledning som vil få grå patina etter som tida gjeng. Det kjem fram i ei referatsak til plan- og miljøutvalet i Vinje kommune.