Søskena klaga på at dei ikkje får ha dette som fritidsbruk. Nå har politikarane svara.

I januarmøtet i år handsama plan- og miljøutvalet ein søknad frå syskena Anders Nyberg (Oslo), Halvor Nyberg (Skien) og David Nyberg (Asker) om konsesjon på overdraging av landbrukseigedomen Nigard Kostveit gnr. 51/1 frå sin far Gudmund Ragnar Nyberg. Syskena vil ikkje busetje seg på eigedomen i Kostveitgrend, men halde fram med å nytte han til fritidsbruk. Eigedomen er på 1400 dekar, og det er eit eldre våningshus, driftsbygning og hytte på garden, som ikkje har hatt busetting sidan 1950-talet.

Eit samrøystes planutval gjorde dette vedtaket i januar: «Utvalet kan ikkje sjå at å gje søkarane konsesjon vil vera i samsvar med formålsparagraf 1 i konsesjonslova, som syner til forhold som skal vera til gagn for samfunnet. (...) Vinje kommune har sett i gang eit prosjekt for å auke folketalet i kommunen. For å få til dette må me ha gode bustader, og å la ein eigedom på denne storleiken bli ein fritidseigedom, når småbruk er svært etterspurt, vil ikkje vera tilrådeleg. Søkarane får ein frist på seks månader for å overdra/selje eigedomen.»

Langt klageskriv