To landbrukseigedomar er til sals. – Kan vera litt meir komplisert

Flatland gard ved Raulandsgrend, 7 kilometer frå Rauland sentrum, strekker seg frå Totak-breidda til foten av Hardangervidda, og har eit totalareal på 162,5 dekar, derav 17,1 dekar fulldyrka jord og 16,9 produktiv skog. I tillegg til rett til småviltjakt kjem eigedomen også med fiskerett i Totak. Det vil ikkje vera noko problem å ha båt heller, då ein får med eiga båthamn på kjøpet.

– Dette er ein av dei finaste eigedomane i Rauland. Ein har våningshuset som er hovudbustad, i tillegg har ein moglegheiter for leigeinntekter i kårhuset og ei hytte på eigedomen, fortel meklar i Landkreditt eiendom, Magnus Torsøe.

Annonsen for Flatland har generert godt med trafikk på nett, men så langt har det ikkje meldt seg nokon på visning endå på eigedomen som ligg ute med ein prisantyding på 7,2 millionar kroner.