To naboeigedomar er til sals. Samla prislapp: 42,5 millionar kroner
Tuftin ved Totak ligg ute for sal. Med ein prisantyding på 22,5 millionar er den endå dyrare enn nabogarden, Neset, som har vore på marknaden sidan 2022.
Garden, som ligg like vest for Raulandsgrend, vart ferdigstilt i 2009, og kjem med eit våningshus på 404 kvadratmeter, med stort spisekjøken, to stover, fire soverom og to bad i andre etasje. Seljarar er ekteparet Jan Krister og Vibeke Platou.
– Garden sameinar tradisjonelle lafta bygg med moderne komfort som vassboren varme og oppgraderte bad, heiter det i salsannonsen.
Underetasjen i våningshuset skilte med eigen vinkjellar, hobbyrom, kjellarstove, teknisk rom, garderobar, vaskerom og garasje.
