Ville gje full kompensasjon til ekteparet som «ein vekkar for kommunestyret»

Ekteparet søkte om å få dekt dei kring 108 000 kronene i advokatutgifter i samband med konsesjonssaka på garden, der dei etter fleire rundar til slutt fekk konsesjon på eigedomen i august. Kommunedirektør Jan Myrekrok viste til klagehandsaminga i argumentasjonen for å imøtekome halvparten av søknaden. Der blei det lagt vekt på at det kom nye opplysingar.

– I administrasjonens og kommunestyrefleirtalet si vurdering blei dette avgjerande for at ein kom til ein annan konklusjon enn i den opphavlege saka. Det er sakshandsamar sin vurdering at det difor er Vinje kommune rimeleg å avkorte refusjon, skriv Myrekrok.

Tilrådinga, om å imøtekome kravet, fekk fleirtal i planutvalet, med fire mot ei røyst. Då saka var i kommunestyret var politikarane på ulike liner i kompensasjonsspørsmålet. Liv Bente Tvenge (H) ville imøtekome søknaden fullt.