84 strikka jolegleder til bebuarane på Kos

– Det har vore veldig bra oppmøte på strikkekafeane både i Morgedal og Vrådal, og det har blitt levert jolekuler frå strikkeglade i heile kommunen, fortel Anlaug Kråknes medan ho og Cathrine Parle Kråknes pyntar det nye juletreet på Kviteseid omsorgssenter (Kos).

I september starta Kviteseid husflidslag arbeidet, og oppmodinga om å strikke jolekuler som skulle pynte treet på Kos.

Onsdag kom representantane frå husflidslaget på besøk for å montere nytt joletre med mange hundre små ljos. Fleire av bebuarane samla seg kring treet og pyntinga, og kommenterte dei flotte strikkearbeida.