På topptur: Emilie (2) og Amalie (5) er to ivrige toppturjenter frå Fjone. Saman med veslesyster Malin (9 mnd), mamma Svanaug og pappa Kjetil har dei alt gått sju av dei førti toppturane ein ommar kan finne på kartet til Topptur Nissedal. Her er jentene på Husfjell (518 mmoh.) på Fjone.
Privat
Amalie rakk målet sitt. Før ho fylte 5 og har ho alt gått 7 toppar i heimkommunen
– Kva topp skal me gå til i dag? Eg kjenner meg skikkeleg sprek og har superraske og sterke bein, seier ofte Amalie Fossli (5) om morgonen. Så blir det gjerne ein topptur då.
1. april starta topptursesongen i Nissedal, og Familien Fossli på Fjone har vore både til Lindefjell, Husfjell og Modølsfjell på Fjone, Røyråsen i Treungen og Vikodden, Torgrimsfjell og Rindefjell i Nissedal i år.
– Me skal til Skornetten og Storefjell også, fortel Svanaug Fossli, mamma til Malin (9 mnd), Emilie (2) og Amalie (5).
Fossli fortel at Amalie ville rekke sju toppar før ho fyller 5 år, torsdag 25. mai, for å hente årets topptur T-skjorte. Men T-skjortene var ikkje klare, så ho måtte vente litt før ho kunne hente premien for å ha samla sju toppar, så då blei det is på butikken i staden for.
5 veker - 5 kr
Deretter 189 per månad
Inga binding
KJØP
