– Førehandssalet er rekordhøgt, me ventar over 30 000 festivalgjester. I tillegg har me drop-in- og dagsbillettar, så me reknar med at endå fleire tar turen innom i helga, seier Yvonne Eilefstjønn, sals- og marknadsleiar for festivalen.
Klokka har så vidt bikka åtte på morgonen når VTB besøkjer Dyrskuplassen. Køen med bubilar og campingvogner er alt lang. Eilefstjønn går ut frå at det vil bli over 4000 einingar på campen.
– Folk kjem tidleg, dei kan ikkje vente med å kome i gang. Mange ynskjer å gjere det litt fint rundt vogna si. Dessutan startar programmet alt i ettermiddag.
