Gler seg til kino: Etter initiativ frå Kviteseid frivilligsentral får Bygdekinoen låne det heilt nye auditoriet til IT-verksemda NC-Spectrum i Kviteseid næringshage. Næringssjef i Kviteseid kommune, Elisabeth Lid (t.v.) og dagleg leiar i Kviteseid frivilligsentral, Regine Heimdal, er glade for at bygda får kinotilbod att.
Tone Tveit
Endeleg er tilbodet tilbake: – Me har kjøpt inn popkornmaskin
Tysdag blir det kino i bygda att, denne gongen i det nye auditoriet i kjellaren til Kviteseid næringshage.
Då den nye næringshagen i Kviteseid blei bygd, la IT-verksemda NC-Spectrum til rette for å bygge eit auditorium med 39 plassar i kjellaren, til bruk ved eigne møte og konferansar.
Då Kviteseid frivilligsentral fekk høyre om dei flotte fasilitetane som skulle kome i bygget, tok dei kontakt med verksemda som nå har gjeve løyve til å låne bort lokalet slik at Bygdekinoen kan kome for å vise film ein tysdag i månaden.
– Dette blir eit prøveprosjekt i år, og me er spent på responsen. Me er svært glade for at NC-Spectrum låner oss lokale. Det er heilt avgjerande for at me får dette til, seier dagleg leiar i Kviteseid frivilligsentral, Regine Heimdal.
5 veker - 5 kr
Deretter 189 per månad
Inga binding
KJØP
