Etter at eit hav av kostyme og rekvisittar blei forlatt i samband med nedstenginga i mars, er folkehøgskulen endeleg klare med ei litt annleis joleframsyning på Granvin

Seljord folkehøgskule samlar årleg over 20 ungdommar i alderen 18-19 år som elskar å stå på ein scene til å spele musikkteater i ekte Broadwaystil.

I vår hadde elevar og lærarar jobba hardt med ei musikalframsyning som brått blei avslutta på grunn av nedstenginga 12. mars. Eit hav av kostyme, rekvisittar og ikkje minst innøvde songar og dansar måtte forlatast.

– Etter det var me engstelege for om me i det heile tatt kom til å få til ein musikal med unge talent under ein pandemi, seier Roar A. Klever Bøye, som har manus, regi og musikalsk ansvar for framsyninga.