Etter suksessen med Rui-jentene ser Hæge og Inger Merethe mot eit nytt publikum

Hæge Manheim og Inger Merethe Johnsen samla fulle hus i lang tid med framsyninga om Rui-jentene. Meir enn 10 000 såg teaterstykket. Nå har Teater Fabel sendt ut Manheim og Johnsen på ny. Dei har med seg Dokka Tussetuss.

– Med to koffertar reiser me rundt i Vestfold og Telemark – frå fjellet til havet – på leiting etter underjordisk historier og myter, viser og stev. Me møter både troll og gygrer, ussar og nissar, huldre og andre haugfolk, skriv dei i ei pressemelding.

Dei håpar framsyninga kan gjera ungar kjent med lokale myter og segner.