Fryktar ikkje vassproblem på festivalen: – Det kjem uansett til å vera nok vatn tilgjengeleg

– Det er uheldig, men eg er ikkje bekymra. Me må bare følgje med. Kommunen har varsla svar i morgon, seier Yvonne Eilefstjønn.

Sidan fredag har ein del av innbyggjarane i Seljord fått beskjed om å koke vatnet. I går melde kommunen at dei hadde sett i gang kloring ved Seljord vassverk. Det betyr at heile Seljord nå må koke vatnet. Nye prøver er tatt. I morgon kjem det svar på om drikkevatnet er «friskmeld».

– Det kjem uansett til å vera nok vatn tilgjengeleg på Dyrskuplassen, seier Eilefstjønn, som varslar at dei kan kome til å fylle opp tusenlitrar med vatn til festivalgjestene.