Har fått med dei unge i arbeidet med det historiske årsskriftet

– Det er gildt at me har dei unge med på laget i årsskriftet vårt. Også i denne utgåva syner både Kyrkjebygda oppvekstsenter og Tveit skule fram litt av det dei har arbeidd med, skriv skriftstyret til lesarane.

I tillegg blir oppgåvesvara frå skrivetevlinga på Nissedal ungdomsskule presentert.

Det er 20 år sidan mållaget starta arbeidet med å gje ut eit årsskrift. Årets utgåve er på meir enn 150 sider med innhald frå dei ulike grendene i kommunen.