Har nesten 40 millionar att å dele ut
Sparebankstiftelsen Sparebanken Sør deler ut midlar til allmennyttige tiltak i Agder og Telemark.
Men Ingrid Vågsvoll lurer på om ordninga er for lite kjent i Telemark. Ho skulle gjerne fått fleire søknader.
– Stiftinga har framleis nær 40 millionar igjen å dele ut ved denne tildelinga, fortel ho, og oppmodar derfor lokale aktørar og organisasjonar i Telemark til å sende inn søknader innan 1. november.
Artikkelen held fram under annonsen.
Stiftinga er på jakt etter innovative og meiningsfulle initiativ som kan styrke fellesskapet og føre til betre levekår i Agder og Telemark. Den starta opp i 2012 og har sidan oppstart delt ut 216 millionar kroner til 90 ulike prosjekt. Frå og med 2024 har dei eit årleg budsjett på 100 millionar kroner.
Stiftinga deler ut i tre rundar i løpet av året. I tillegg til denne i november blir det to tildelingar på våren, fortel Vågsvoll.
