Ryddar sti: Odd Valle med ryddesag (f.v.), Knut Låtveit med motorsag og Olav Jakob Tveit lagar ei klopp på den gamle kyrkjevegen bak Tveitåsen i Treungen.Olav Jakob Tveit
Har rydda stien langs den gamle kyrkjevegen
Odd Valle, Knut Låtveit og Olav Jakob Tveit har rydda fleire stiar i Treungen dei siste åra.
I vår har dei hatt med seg motor- og ryddesag og rydda langs den gamle kyrkjevegen.
– Dette er stien dei bruka når dei kom frå Felle og Heimdal og skulle til kyrkja på Tveit. Her stod dei to eldste kyrkjene i Treungen, frå 11-1200 talet til 1863, fortel initiativtakaren til stiryddinga.
Rundstien er 5,2 kilometer og startar i Tveitsund. På vegen kjem ein innom Skålfjell, der Treungen idrettslag har ei av sine turkasser.
