I oktober står Rui-jentene på Riksscenen i Oslo

– Riksscenen har utfordra oss til å utvikle framsyninga i folkemusikalsk retning – og den tar me, opplyser skodespelar Hæge Manheim i ei pressemelding.

Teaterframsyninga av dei to systrene Ingerine og Gurine Schevenius, frå den vesle plassen Rui på Dalen, har blitt tatt godt imot sidan urpremieren i mai for to år sidan.

Det er skodespelar Inger Merethe Johnsen, regissør Sylvia Salvesen og skodespelar Hæge Manheim frå Teater Fabel som står bak framsyninga, og manuset er basert på boka til Dagbladet-journalist Knut Eidem, gjennom research, samtaler med folk som kjente Rui-systrene, og utprøving av situasjonar på scena.