Ingrid og Kåre håpar fleire unge vil lære seg å veve bunadband

Ein akkurat passe stor vevstol med eit halvferdig bunadband står lett tilgjengeleg i stova på Vallarvegen i Seljord. Det er Kåre Barsgård som har laga veven, ja han har laga mange slike opp gjennom åra, kan han fortelje.

– Eg plar veve litt frå morgon av, og gjerne ei stund i kveldinga også, forklarar Ingrid Lauvstad som har laga bunadband i 30 år.

Bandet som står i veven denne dagen er i den tradisjonelle fargen til Vest-Telemark bunaden, og truleg av det slaget både Ingrid og Kåre har laga flest av.