Kjetil fekk kunstnarstipend og Ingerid fekk toppidrettsstipend

Aldri før har fylkeskommunen delt ut meir til kunstnarar og idrettsutøvarar. 13 personar fekk totalt 570 000 kroner.

Kjetil Flatland frå Seljord var blant dei fem som fekk tildelt kunstnarstipend av fylkeskommunen. Totalt søkte 35 om eit slikt stipend på 50 000 kroner.

– Stipendet var verkeleg ei kjærkomen gåve. Det gjev anerkjenning å få tildelt eit så høgthengande stipend blant så mange flinke musikarar me har her i fylket. Pengane går til å produsere meir musikk. Eg driv mellom anna med ei joleplate nå. I tillegg har eg planar om nytt album med min musikk i løpet av neste år, seier Flatland.