Kommunale kulturkroner til song og trall

Frivilligsentralen i Seljord skriv i søknaden til kommunen at dei i fjor haust starta eit prosjekt saman med Seljord kyrkje der føresette og barn opp til 5 år kjem saman ein gong i månaden for å synge på frivilligsentralen. Det blir servert enkel, gratis lunsj.

– Dette er ein arena der folk møtast på tvers av til dømes barselgrupper, sosiale grupper og bustad. Prosjektet minskar einsemd hos unge vaksne/vaksne i kommunen, og kan gjere kommunen meir attraktiv for barnefamiliar og bidra til at innbyggjartalet veks, skriv dagleg leiar ved frivilligsentralen, Rikke Christine Roseng og diakon og trusopplærar Ingunn Liseter i søknaden.

Dei legg også til at babysongen sin tverrfaglege og samanskapande aktivitet i lokalsamfunnet også kan vere helsefremjande.