Odd blir med Anne djupt inn i marka

I serien legg Lindmo ut på ein åttedagars tur ut i Austmarka. Kvart døgn får ho med seg norske personlegdomar som turkamerat. Frå før har skodespelar Aksel Hennie, FpU-leiar Simen Velle og forsvarssjef Erik Kristoffersen vore med den tidlegare talkshowdronninga ut i marka, før det no altså er vinbyggjen Nordstoga sin tur denne veka.

– Eg valde turkameratar som er menneske eg er interessert i og fascinert av, og ikkje minst er dette folk eg trur både kan like og trenge ein pause frå sitt travle kvardagsliv. Det var utruleg gøy og intenst å tilbringe åtte døgn på rad som vertskap for folk med ganske ulik grad av erfaring frå turliv, seier Lindmo i ei pressemelding.