Siste sjanse til å sjå Rui-jentene

Historia om dei to små systrene Ingerine og Gurine Schevenius, frå den vesle plassen Rui på Dalen, som kom til kongen, var kjend og kjær i si samtid, og ho vekkjer framleis gjenklang hos mange.

Nyversjonen av «Rui-jentene» hadde premiere på Riksscenen i oktober 2020 og har hatt fleire framsyningar etter det. No får ein igjen moglegheit til å oppleve den i Vinje, Tokke og Seljord, med levande musikk, radio og utvida sceneuttrykk.

– Dette er siste reis, opplyser Hæge Manheim som står på scena saman med Inger Merethe Johnsen.