Snart premiereklar på Chat Noir

Det seier Ingebjørg Bratland som torsdag står på scena med si aller fyrste konsertframsyning, på den svært berømte teaterscena Chat Noir i Oslo. Framsyninga har fått namnet «Ei ganske sann historie», og ifølge ei pressemelding tek den folkekjære Vinje-artisten eit oppgjer med imaget sitt og oppfattingar frå folk og fe i ein musikalsk og underhaldande innpakking.

– Framsyninga skildrar tankar og erfaringar eg har hatt så langt i karrieren og livet mitt. Om konge og fedreland, kappleik og naboland, seier Bratland.

31-åringen frå Edland i Vinje har vore musikar sidan ho var lita. Ho lærte å kvede hos Ellen Nordstoga, og er stemma bak NRK-juleserien «Jul i svingen». Seinare har ho mellom anna vunne Spellemannpris, selt til gull- og platina og fylt mange scener i Noreg. Likevel er det stort å stå på Chat Noir.