– Telemark er Noreg i miniatyr. Du har det beste frå heile Noreg i eitt fylke; kyst og hav i Kragerø, fjell, skog og dalar i Vinje og Bø, seier Annika Momrak.
Vi møter Momrak framføre Radioresepsjonen på Marienlyst i Oslo, der ho til dagleg jobbar i NRK 4ETG, ein underhaldingssatsing frå NRK på YouTube.
Ho flytta til hovudstaden for å jobbe i allmennkringkastaren i fjor, og er akkurat i ferd med å ta sommarferie. Den skal ho bruke i heimstaden Bø i Telemark.
