Stabilt for lokalavisene – samarbeidsdesken sikra betre finansiering i budsjettforslaget

Dette kjem fram i forslaget til statsbudsjettet for 2025 som regjeringa la fram måndag. Både produksjonstilskotet, innovasjonsstøtta og støtte til kompetansetiltak blir omtrent inflasjonsjustert.

LLA, organisasjonen for rundt 120 lokalaviser landet rundt, tykkjer det er ekstra gledeleg at dei får 1 million kroner til Samarbeidsdesken i Bergen. Dette er ei stor satsing på undersøkjande journalistikk, research og kompetanse som LLA, Senter for undersøkende journalistikk (SUJO) og NRK står bak. Satsinga blei i si tid initiert av Vest-Telemark Blad, ei rekke lokalaviser og LLA – og får no altså på plass ei litt tryggare grunnfinansiering som gjer at Samarbeidsdesken framleis kan hjelpa lokalavisene med å lage god og grundig lokaljournalistikk.

Regjeringa føreslår at totalt 440 millionar kroner blir brukt til direkte produksjonsstøtte til avisene neste år.