Kultur: I fjor blei det påspandert 9 101 kroner per innbyggjar i Tokke kommune til den omfattande kultursektoren. Dette gir ein niandeplass (av 356) i Kommune-Noreg. (Illustrasjonsfoto)
Tokke toppar: Brukar 9000 kroner per innbyggjar på kultur
Tokke er heilt oppe på niandeplass på lista som viser kva kommunar som spanderer mest på kultursektoren. Fyresdal er også høgt oppe.
Me har sett nærmare på kva kommunar i fylket og elles i kongeriket som spanderer mest på kultursektoren. Blant dei 356 kommunane i landet kjem Tokke heilt oppe på niandeplass, medan Fyresdal er nummer tolv.
Vinje er og i toppen på sin 18.-plass, og Nissedal er på 55.-plass. Så finn me Seljord på 99.-plass og til slutt Kviteseid på 149.-plass.
