Privatisering av vegar, premisser som ligg til grunn

 Den viktigaste grunnen til å privatisere kommunale vegar er for å spare arbeid og pengar for kommunen. Brukerane av vegane veit også best kor «skoen» trykkjer.

Mange, ja kanskje dei fleste av vegane i kommunen er private. Så har det av praktiske og kanskje historiske årsaker, vore eindel kommunale vegar. Særleg i regulerte område har kommunen tatt ansvar for vegane, og det er vel hovudprimisset no og. 

Eg har vore med på to runder før om privatisering. Etter mykje om og men, blei desse forslaga «lagt i ein skuff». Ingen orka støyen og beskyldningene som ein visste kom. Ofte var det politikarar som blei råka av ei eventuell privatisering som jobba hardast mot det, naturlig nok. At dei heilt klart var ugilde i saka, var aldri eit tema.