Ridesenteret er viktig – for bygda og for framtida og ei investering i menneske

Rauland ridesenter stod for fall - difor kjempa me for ridesenteret.

I kommunestyremøtet 25. mars 2025 vedtok me å løyve 1,5 millionar kroner for å sikre drifta ved Rauland Ridesenter fram til sommaren 2026. Det var eit sterkt vedtak – og det var ikkje sjølvsagt, då fleire i kommunestyret var imot!

Skulle me følgt innstillinga frå formannskapet, slik det låg an til, ville det i praksis betydd kroken på døra for ridesenteret. For det hjelper ikkje med utgreiingar og tomprat når ein veit at ridesenteret ville stengt dørane i 2025. Alle veit at det å starte opp noko som er lagt ned krev langt meir innsats og pengar.