Styrk legekontoret i Rauland!

Revidert kommundelplan for helse og meistring skal opp til politisk handsaming i løpet av våren. I den samanheng vil me setje eit ekstra fokus på utekontora.

I Edland er det vedteke legekontor i ein del av det nye Nordheimstunet. To legar er tilsette i Nordsjøturnus med Edlandslista på dagtid og legevakt om kvelden, så då bør i allefall legetenesta i Edland vera sikra i fire av seks veker.

Rauland er det området i kommunen som har flest folk, med både fastbuande, studentar, hyttefolk og turistar. Me meiner difor at legekontoret i Rauland bør styrkast, så der blir to legar. Då blir det mindre sårbart om den eine blir flytt på ein dag, eller av andre grunnar ikkje er på arbeid.