Takk til Rauland Ridesenter

Rauland Ridesenter avviklar drifta si om nokre månader. Det vert òg punktum for nesten 40 år med riding som ein del av tilbodet til AiR. Det er ikkje ei ynskjeleg utvikling, men trist og vemodig.

Riding har vore ein sentral del av tilbodet til AiR heilt sidan oppstarten av senteret. Saman med Beitostølen Helsesportsenter er AiR dei einaste rehabiliteringssentera som har hatt riding som ein integrert del av rehabiliteringa. Tusenvis av deltakarar har fått gylne augneblink på hesteryggen. Og ridetilbodet haustar særs gode tilbakemeldingar. 

Å handtere eit stort dyr, gje klare beskjedar og vere tydeleg er det mykje læring i. Riding er ikkje mogleg utan kommunikasjon og gjensidig tillit mellom hest og ryttar. Å kjenne nærleiken og varmen til det majestetiske dyret har for mange ein terapeutisk effekt. Når AiR ser seg nøydd til å ikkje lenger kjøpe tenester av ridesenteret er det ikkje av faglege grunnar.