Vinje pensjonistlag og Askeladden bruktbui i Åmot. Frå avfall til gull verd

Vinje Pensjonistlag driv bruktbui Askeladden i Åmot, og det har gått svært så bra dei siste åra. Stadig fleire handlar her og fleire leverer inn varer her, og dette er veldig bra for både Askeladden, for vårt miljø i reduksjon av avfall, for våre mottakarar av økonomisk støtte og sist og ikkje minst vår eige aktivitet på Askeladden.

Med dugnad og låg husleige har det ført til god drift av laget vårt og til overskott, men Laget brukar ikkje dette til å sponse eigne aktivitetar, men til ulike samfunnsganglege føremål. Og i år gav årsmøte i Vinje Pensjonistlag rundt syttitusen kroner til Kreftaksjonen, Demensforskning, Sykehusklovnane, Frelsesarmeen og andre organisasjonar.

Men me som jobbar i Bui har eit aukande problem, då vi berre har opent på torsdag og fredag mellom 13.00 og 17.00 , då dei som vil levere varer her kjem ofte til stengde dører og må sette dette att på trappa, dette gjeng stort sett bra for mindre pakker eller kasser, men større ting som møbler bl.a. vert det vanskeleg og ofte gjeng dette då til avfallsmottaket.