Ap og Sp med kompromissforslag for bøndene – vil senke timetalet til 1750

– Vi har fått klare tilbakemeldingar på at det er urettferdig at eit årsverk i jordbruket har fleire timar enn det andre har. Derfor legg vi fram eit forslag om å redusere timetalet, seier leiar i næringskomiteen på Stortinget Willfred Nordlund (Sp).

Forslaget frå Senterpartiet og Arbeidarpartiet blir levert like før saka skal behandlast i Stortinget torsdag morgon, og samtidig som fleire bønder demonstrerer utanfor bygningen.

Tidlegare ønskte regjeringspartia å leggje til grunn 1845 timar i eit årsverk for bøndene i den nye inntektsberekninga si og opptrappingsplan for landbruket.