Båten er rusta opp for 24 millionar kroner. Ynskjer kommunen med på spleiselaget

Det er skipseigar og -drivar Telemarkskanalen Skipsselskap AS som har oppmoda kommunen om å auke driftstilskotet, som fylgje at dei har gjennomført vedlikehaldsinvesteringar på MS Henrik Ibsen til ein verdi av om lag 24 millionar kroner i 2023. Dei har også oppmoda om eit ekstraordinært tilskot som fylgje av dei høge vedlikehaldskostnadane i år, samt eit «generelt vedtak»:

– Om tydelege politiske initiativ mot dei andre kanalkommunane og fylkeskommunen for å få i gang ein prosess med mål om å få heile kanalen inn i statsbudsjettet, heiter det i søknaden.

Telemarkskanalen er hovudsatsingsområdet for reiselivet i Tokke sommarstid, og kommunen har sidan 2013 løyvd 100 000 kroner til kvar av kanalbåtane, MS Henrik Ibsen og MS Victoria, kvart år. Dette beløpet har ikkje endra seg dei siste ti åra.