Bønder demonstrerer utanfor Stortinget

Allereie onsdag morgon byrja demonstrerande bønder å samle seg utanfor Stortinget. Onsdag kveld har fleire strøymd til, og ifølgje NRK planlegg nokre av dei å sove utanfor Stortinget natt til torsdag.

Mange bønder er usamde i tala som dannar grunnlaget for årets bondeoppgjer. Torsdag skal Stortinget stemme over den nye inntektsberekninga, som inneber at bøndene skal jobbe 145 timar meir enn andre i året.

Tala som Ap, Sp og Høgre har vorte samde om, inneber 1845 arbeidstimar for bøndene, sett mot 1700 timar for ein lønnsmottakar. Norsk Bonde- og Småbrukarlag har varsla at dei ikkje kjem til å akseptere noko over 1700 timar.