Har drive i 20 år. Nå vil Mikkel bygge nytt og leggje til rette for generasjonsskifte

Mikkel Vadder svara ikkje på telefon då VTB prøvde å få ei avtale etter at formannskapet i Kviteseid løyvde 250 000 kroner til nytt fjøs på garden, så me går etter lyden. Våren er ei travel tid i sauefjøset. Og Mikkel finn me midt i flokken.

– Det er mange lange dagar, seier han med eit smil, og er rask med å rose ektefellen. Mimmi Hauglid er til dagleg veterinær i Seljord, men er i fjøset heime når ho har fri.

Det er sauedrifta som er den økonomiske motoren i gardsdrifta i Ordal. I 2021 var det 265 vinterfôra søyer og 18 oksar på garden. Talet på sau er på veg oppover.