Jobba frå brakkerigg store delar av fjoråret – kåra til årets forhandlar i landet: – Me er ekstra nøgde

– Me er stolte av den utmerkinga. Når me også veit at størsteparten av fjoråret blei drive frå brakkeriggen er me ekstra nøgde, kommenterer dagleg leiar Terje Nordstoga.

Juryen, som er frå Mercedes-Benz Noreg, peikar på at Autostrada Seljord er «opptekne av detaljar og gjennomføring» og har «satsa planmessig» på nyttekøyretøy.

– Satsinga viser no sterke resultat. Dei har lagt vekt på å utnytte heile sitt distrikt og auka salskapasiteten med seljarar dedikert til Mercedes-Benz Nyttekøyretøy for å kunne ta ut potensialet. Dei arbeider planmessig og involverer både servicemarknad og sal i dette. I 2023 hadde dei måloppnåing på heile 187 prosent på kontraktsinngang, grunngjev juryen.