Landhandelen blir modell for andre nærbutikkar

Tidlegare har butikken ved kommunegrensa mellom Seljord og Midt-Telemark vore ein uprofilert butikk i Norgesgruppen. Nå blir butikken ein del av kjeda Nærbutikken, som er ein del av Kjøpmannshuset Norge AS – Norgesgruppens største profilhus.

I praksis vil butikken stå fram med ein meir tydeleg profil med mellom anna vekestilbod og betre bonusordningar for kundane, fortel Hans Olav Bakås ved Hegna Landhandel.

Butikken opna dørene for to år sidan og har blitt synleg nasjonalt med måten dei har bruka moderne teknologi. Landhandelen var den fyrste døgnopne og sjølvbetente butikken i landet.