Pålehytta er svært populær og så godt som fullbooka i sommar. Nå har den blitt kåra til ei av Europas kulaste i britisk storavis

«Du veit kanskje om det gemyttlege danske konseptet hygge, men kva med hyttekos, det norske uttrykket for å ha det koseleg i hytte?», undrar avisa under eit bilde av pålehytta ved Nisser.

Nisser Hyttegrend og Camping er einaste norske innslag på lista. Avisa skriv at området er kjent for «strendene sine og vakkert, klart vatn å symje i».

– Det er veldig artig. Eg såg at artikkelen frå The Guardian også vart plukka opp av ein amerikansk nettstad, så me er med på lista der òg, fortel drivar Michael Berggren.