Regjeringa set av pengar for å gjere transport av tømmer meir effektiv. Illustrasjonsfoto: Vidar Ruud / NTB / NPK
Skogsvegar og tømmerkaier får budsjettmillionar
73 millionar kroner til skogsvegar og tømmerkaier skal bidra til å få tømmeret ut av skogen og ut på marknaden, ifølgje budsjettforslaget frå regjeringa.
Regjeringa bruker òg 20 millionar kroner på å utbetre flaskehalsar langs fylkesvegnettet for å gjere tømmertransporten meir effektiv.
Landbruksdepartementet vil dessutan auke tilskotet til gjødsling og skogplanting med 4,5 millionar kroner. Dette går under posten klimatiltak i skog, som til saman utgjer 35 millionar kroner på budsjettet for neste år.
