Slapp å bli slegen konkurs

– Eg kom til at det var liten vits i å kaste gode pengar etter dårlege, seier Ola Moe til Vest-Telemark blad.

Han fortel at han onsdag vart oppsøkt av ektemannen til Marianne Sjølie, Halstein Sjølie, som fortalde at kona hadde eit skattekrav på nær to millionar kroner hengande over seg.

– Eg kunne difor sjå langt etter å få noka dekning på kravet mitt og ingenting igjen for å betale 60 000 i rettsgebyr for å få retten til å opne konkurs, seier Moe vidare. Han opplyser at Sjølie la fram dokumentasjon som skulle vise at skattekravet er reelt.