Av og til må ein ta ein tur til grannebygdene for å sjå kva dei driv med der. På garden Fossjordet i Hjartdal er Helga Marie Dybedal i full gang med slåtten. Når du vil ha tørrhøy og ikkje er aldeles sikker på at regns-ela held seg unna, er det best å hesje. Opphaldsvêr med sol og vind gjorde at gardbrukaren uti veka kunne berge fôret i hus.
– Ja, eg driv og høyar på hesjene nå, fortel Dybedal då avisa kontaktar henne nokre dagar etter at bileta er tekne.
